相馬日式火鍋 (已結業)

第一次去用Open Rice訂位所以有折，第二次無訂位，無任何折扣。幫襯第二次原因係因為我欣賞佢燒物既燒雞皮。而其他既牛肉就一般，佢嗰度共有四款牛同分別四個價錢。第一、二款唔包海鮮。第三、四款價錢包海鮮。我第一次去係食第三款價錢包海鮮那隻，但覺得啲牛唔係特別好，而且啲牛仲刨到薄過紙😅。所以第二次就試隻平啲既牛，但平啲既牛反而刨得厚啲，食落有啲口感，唔會好似之前嗰隻好似食風咁😆。但呢兩個價錢既牛 感覺唔到好大差別。所以你唔食海鮮，就揀第二款ok啦！但重點我唔會再幫襯既原因就係，呢間鋪明明係寫明可以收信用卡💳但兩次都迫人比現金埋單。第一次就算，第二次佢又係咁，問佢明明門口寫住可信心卡付款 點解要比現金？個職員竟然答你有冇現金吖？我哋訂貨叫牛都係比現金，所以想收現金。咁既時世咁小人外出食飯，成個場得三、四張枱，埋單既時候竟然咁回答我⋯大家自己諗啦⋯⋯仲有，最後生啤唔夠凍，唔駛加錢飲生啤啦！要飲酒🍻就飲佢包埋既罐裝師威啦！