Delite Long Ping Bistro (已結業)

甚少寫食評， 但呢間真係差得好離譜， 唔明讚好果d係咪自己友， 點樣可以讚得出口， 究竟呢間係一般西餐廳定係茶餐廳扮西餐廳之流呢？ 見到食評唔錯，所以選呢一度同朋友食晚餐， 想像唔到食物可以咁差， 食物差都算， 佢竟然可以冇一樣嘢係好食㗎，大佬啊， 原本已破壞晒我同朋友食飯既心情架喇。 咁樣都唔係死罪，但連服務態度都離譜，我閒日夜晚去， 又唔係好多客， 都係咁樣嘅服務態度， 真係唔知假期日子佢哋點算。 西餐廳價錢， 大排檔服務， 貼錢買難受， 要提醒下大家，真係諗清楚至好去幫襯。