KEW+

營業中

休息中

因為海港城有coupon，所以決定試下呢間睇望幾靚又多菜式既餐廳。試完真係唔會回頭。平日兩人去食午餐，唔洗等位就入得，杯碗碟都好靚好打卡。旬湯好淡味，一上菜即飲都唔熱，似係一次過裝好好多碗先一齊上枱。飲品分別order latte 同手打青檸檸檬茶Latte 又係淡味，咖啡味唔香，唔推介。反而檸檬茶有驚喜，好香檸味又唔會有酸檬味，值得一試。其中一個主菜係牛油果沙律。味道可以，但加左蛋黃醬令到牛油果味唔出。同想像中有出入，本身expect好多沙律菜上加牛油果。Margarita pizza 好失望，好普通既茄膏加芝士，香草又少，芝士味唔香，不推薦。食完主菜就冇菜再上，叫完埋單睇返張單先記得set lunch有個甜品未上！但係餐廳完全唔記得亦都冇check,好彩睇單見到。要我地同職員講先送返兩碗冇特別既紅豆沙比我地總之極不推介，味道麻麻，職員有甩漏，除非鍾意打卡，但打卡又好食既餐廳多好多唔需要特別過黎食。