SHAKE SHACK (太古廣場)

營業中

休息中

餐廳喺正戲院旁邊，睇戲前後食嘢超方便。一入就去就係點餐的櫃台，全部英文餐牌，英文員工，想睇中文餐牌就要自己上網落單。座位挺多，坐得算寬敞舒適，走到餐廳盡頭有窗邊二人座位。餐廳大概坐了一半人，等了10分鐘左右收到通知，自己出去櫃台取餐。ShackBurger 的牛肉漢堡扒的確好有牛香味、肉汁充足；芝士和蕃茄味道亦夠濃郁；生菜也夠新鮮，能食到每種食材嘅味道與層次。最可惜係個包，質地太軟，部分吸了漢堡扒嘅油和醬汁後溶咗，黏住包裝紙。另外點了Open Sesame 芝麻雪糕，喺雲呢哪雪糕上鋪黑芝麻醬，仲有無味道又好硬嘅朱古力粒、同無味道又好硬嘅麻薯粒。呢杯嘢真心難食，除了雪糕本身同黑芝麻醬比較OK，其餘配料嘅作用就係黐住啲牙。總結：會再試不同漢堡包同其他食品。雪糕？不了。