Curry Bee

營業中

休息中

今日去銅鑼灣食lunch，行過Bee Japanese Curry Shop見到menu幾吸引就入左去。set lunch 100蚊有找，選擇都唔少。我叫左個咖哩吉列豬排烏冬。通常飲品我都慣左後上，但果waitress不諧廣東話，我地講左之後先叫，佢係咁話我地有兩杯野飲，雞同鴨講一上菜，發覺貨不對版，同menu個圖片差咁遠既…烏冬係扁果種，姐係由乾、硬的筫地煮到變番濕果種烏冬，我個人唔鐘意食。咖哩湯好稀，配菜怪，係菠菜，好唔match。豬排冇汁，但啲湯太稀，吉列豬排浸落湯又驚佢稔哂…成件事好騎呢…而且份量少，食完好快餓。一路食就一路忍唔住話唔好食(其實係覺得佢唔值呢個價錢)食set lunch就係為左個甜品，牛奶布甸，其實味道ok，重牛奶味，甜度岩岩好，又夠滑，但個size細到目測只有5x3x3cm，份量真係令人非常無奈。餐飲既咖啡好普通，又冇味。唔係一間正常餐廳廳有的水平。服務差，食物又奇怪，份量又少，銅鑼灣有咁多野食，一定冇下次。