太陽蕃茄拉麵 (已結業)

叫咗個$268+10% 嘅二人餐，餐牌如果冇寫住"正常份量" 呢4 個字會好好多！冇諗過正常份量會係連放題嘅份量都冇。小食係蟹柳蟹籽沙律同炸雞軟骨。沙律醬少得可憐，雞軟骨有十粒左右。鰻魚大蝦炒烏冬 ～ 睇圖係好colorful 嘅一碟炒烏冬，一上枱我以為嚟錯嘢。鰻魚就係睇到咁多。另外叉燒蕃茄湯拉麵係ok 嘅，但冇乜肉。最後甜品係泡芙，仲衰過平價放題任食嗰啲質素。過度雪藏，塊皮好似紙皮咁，入面舊雪糕仔已經雪到結咗冰。