hōmu by favilla (已結業)

荃灣店員工服務態度勁差！！！我兩大兩細過嚟食晚飯，食物質素一般，價錢又貴。小朋友食完兒童餐，麻煩侍應先收走餐盤，全程黑口黑面又唔出聲。距離收舖時間仲有十分鐘左右，我哋啲嘢都食到八八九九，有個侍應就咁行過嚟講：「公司話要收舖，叫你哋快啲食完」咁講嘢，如果唔係帶住小朋友我就拍枱，服務業呀大佬，係唔係真係咁唔識講嘢呀。同埋淨係走去同啲帶住細路仔嘅客人講，有啲sell緊保險食完坐咗成粒鐘嗰啲又唔去講！第一，你last order收錢嗰陣時可以提一提客人幾點鐘關門第二，基本禮貌同埋說話技巧都冇，正常都識講「唔好意思，我哋大概十分鐘後會收鋪，你哋食完嗰啲，我先幫你收咗佢先」其實咁講嘢會唔會大家舒服啲？