One Cafe (已結業)

今日同朋友黎呢度食tea，諗住都係Strawberry旗下0既cafe，應該甜品唔會難食得去邊，點知就出事....我叫左朱古力心太軟連雪糕，朋友叫左雞蛋沙律窩夫+熱檸水，唔知點解，我地預期好快黎0既窩夫遲遲未黎，終於熱檸水黎左，勁細杯，水又少，幾啖就飲哂，終於我地忍唔住盯住個廚房，有個著住白色廚師服0既男仔0係度一邊食住多士一邊同個女職員調笑，仲有另一位男伙記都係識得行行企企，咁0既service真係好唔掂!!!!好彩，最後位經理先生總算feel到我地呢檯客等到好唔耐煩，拿拿聲入廚房催，都要再等多幾分鐘，個窩夫先上檯，一睇就好有問題，好似d假野食咁(仲係擺左一段時間咁樣)，我真係未見過睇到都冇食慾0既甜品囉>_<難為我朋友仲要食落肚，大拿拿廿幾蚊，仲要加一，真係好想叫回水!!!!我個心太軟當然更遲先黎啦﹗上檯0個一刻都冇咩，一拎個叉吉入去就發覺有事，點解個朱古力外層會咁似軟糖質地架?我都未試過食心太軟要咁出力，而流出黎0既朱古力一d都唔熱囉﹗好失望呀!!!0個一球雪糕又唔知點解勁多冰塊，好似食刨冰多d，總之好唔滿意，絕對唔值42蚊再加一呢個貴價!!!!!真係有d嬲，呢度