夢見屋 (已結業)

今日去開isquare就諗住試下呢間夢見屋。之前經過見佢地門面都幾靚，好似會坐得幾舒服適合傾計咁就諗住試下。我嗌咗嗰蜆肉烏冬，而我朋友就嗌咗嗰牛扒餐。雖然平均一個人一百蚊樓下可以食到嗰晚餐，但係啲食物真係麻麻地。我朋友嘅牛扒煮太耐好韌，而我既蜆肉烏冬就太多忌廉，完全食唔到咩蜆味，而且烏冬比較淋身。另外，服務唔太好，我哋等咗好耐都未上餐。即使我哋反覆提醒店員，佢哋都冇處理到我哋嘅問題。最後我朋友嘅餐飲等咗差唔多半個鐘先有。所以下次應該唔會再黎喇。