王家沙．花樣年華 (太古城中心)

營業中

休息中

去太古城買首飾，順便喺度食埋飯，發現呢度有王家沙花樣年華，都真係有好多年冇食過王家沙，見佢有個特價嘅窩仔飯，原價$498，特價$349，梗係點特價菜。上到枱先發現份量真係足夠三至四個人食，好大煲又熱辣辣，睇啲飯色加上梅菜仲以為好鹹，但食落去鹹度適中，啲飯仲好乾身，粒粒分明。黑豚肉果然比普通五花腩靚好多，肉味濃，又唔會太肥，就算肥嘅位食落去都唔會覺得太肥膩，加上梅菜一齊煮，香味吸引。梅菜亦算高質，少少甜更能帶出梅菜嘅香味。