影片
更多
2010-12-21
18 瀏覽
幾年前,我已經成日幫襯呢間舖頭,因為佢哋個辣汁真係好好味,後來我轉咗工之後就再冇幫襯,直到呢一日,和一位朋友經過呢間舖頭,我仲叫我朋友一齊去食,真係好正誰知係一個食到我哋兩個興合合,唔係因為啲辣汁,係因為個侍應啲服務態度.......首先:我哋一行入去,同佢講兩位,佢就繼續企喺喥,跟住就講:{呢~入面咪有位囉!}咁都冇乜出奇.坐低咗之後,咁我同朋友就點菜,我朋友就點咗三個餸一面,而我就點咗兩餸一面,之後我哋就比張單個侍應,點知個侍應同我講:{點多個餸吖!}跟住就行咗去,我問:{點解呀?兩個餸唔得咩???}點知佢唔答我,已經開始覺得啲態度好差.結果望咗好耐先見到主遠處寫住最低消費$28蚊,$7蚊一個餸~咁我就照做.之後我朋友想去洗手間,原來要攞鎖匙,問同一個侍應,佢就一直行去廁所嗰邊一直指住門口:{嗰喥攞呀!}嘩!!!咩事呀??嗰喥即係邊喥呀?!之後,我哋睇到原來有餐,就問個侍應,係咪有餐架?個侍應話:{冇架喎!}???明明睇到有餐,之後我哋咪指住張紙,佢話:{咁有~!}
首先:我哋一行入去,同佢講兩位,佢就繼續企喺喥,跟住就講:{呢~入面咪有位囉!}咁都冇乜出奇.
坐低咗之後,咁我同朋友就點菜,我朋友就點咗三個餸一面,而我就點咗兩餸一面,之後我哋就比張單個侍應,
點知個侍應同我講:{點多個餸吖!}跟住就行咗去,
我問:{點解呀?兩個餸唔得咩???}
點知佢唔答我,已經開始覺得啲態度好差.
結果望咗好耐先見到主遠處寫住最低消費$28蚊,$7蚊一個餸~咁我就照做.
之後我朋友想去洗手間,原來要攞鎖匙,問同一個侍應,佢就一直行去廁所嗰邊一直指住門口:{嗰喥攞呀!}
嘩!!!咩事呀??嗰喥即係邊喥呀?!
之後,我哋睇到原來有餐,就問個侍應,係咪有餐架?個侍應話:{冇架喎!}
???明明睇到有餐,之後我哋咪指住張紙,佢話:{咁有~!}
原來啲餐全部都係呃人,個餐係$36蚊,但係一支汽水係八蚊,咁最低消費28蚊,咁咪冇分別囉~......
好喇,啲面嚟喇,一見到啲餸,真係覺得我哋好慘,超細碗之餘,啲餸又係超少,豬頸肉得嗰三塊仔,啲面得嗰一少少,食完之後都唔知食咗啲乜?
雖然我知道銅鑼灣啲租係貴,不過都唔駛咁呱?
好喇,食完喇,咁我哋諗住去比錢,一企起身,行咗兩步,個侍應就好大聱叫我哋{攞單呀!}隔咗兩秒講:{唔該.}
我朋友已經興咗,好咗你講咗唔該咋!
呢間嘢真係差咗好多,呢個侍應啲態度真係唔掂,唔知以為佢係老闆娘,雖然唔休憂做~但係都唔駛咁呀~?
出咗名真係惡啲,真係冇下次!!!
張貼