小房子 (已搬遷) 新店位置

尋晚同朋友食生日飯，見到呢間環境靚靚就揀咗呢間。前一晚已經打電話去問，話冇得甜品寫字同蠟燭要我自己準備，咁都冇問題，我自己帶蠟燭去。上到去，好少客，得個10個客人左右。點餐畀錢個時同個收錢嘅店員姐姐講話麻煩上甜品個時幫我點蠟燭，跟住就親手交咗兩支蠟燭畀佢，佢都話冇問題，但態度冷淡。食完主餐到上甜品，個店員拎住個雪山多士過嚟竟然係冇點蠟燭。。。（我隻蠟燭呢？！😱）我當時呆咗，我冇出聲，因為原本諗住畀個驚喜我朋友，點知係得我有驚，我抑都冇嘈佢，唔想破壞當時氣氛。其他店員d態度都唔錯，但收錢個店員就。。。🌝原本想畀個小小驚喜我個好朋友慶祝生日。選擇咗呢間cafe係我唔好彩。。。食物一般，個茶漬飯唔好食，個湯超級少，一個小壺裝住唔夠兩個人份量，需要再添加都唔夠，整到似粥咁。d湯又唔夠熱，成個係凍嘅。。。係得個番薯同蒸蛋好食！我朋友都話呢間d價錢太貴，與食物質素唔符合。雪山多士就一般。最好飲係杯櫻花梅子soda！