燒蝦蝦 (金福閣） (已結業)

燒蝦蝦呢間分店係元朗，都係好方便既位置，西鐵站附近，元朗市中心，好易搵。呢度食到兩個半鐘，任飲任食，超級疏乎～每枱既燒爐都有番咁上下大小，我地夾晒啲流水蝦上黎，放落爐燒每次都放到成10隻，仲要每隻蝦都係大大隻，質素好好，有啲仲有蝦膏添，認真出色💓呢度除佐流水蝦任燒，其他肉類、海鮮類都任燒。海鮮我特別鍾意扇貝同墨魚仔，扇貝好大隻好靚，鮮紅色既膏好新鮮，燒完都仲好鮮甜，好爽口好好味😋另外墨魚仔都有番咁上下大小，煙韌爽嫩，鮮味十足！呢度任飲既飲品都好抵讚，除佐普通罐裝包裝飲品，仲有成桶既梅酒清酒任飲，酒鬼岩晒呀😛🥃