丸十あぶり牧場 (已結業)

原來丸十有幾間分店㗎，今次去新世紀廣場，又發現佢，不過呢間有埋燒肉食，真係好多選擇😍不過上次食完佢嘅刺身同壽司，覺得好新鮮又足料，所以今次打算試吓佢嘅鮪魚拼盤😍真係一食就會愛上。我首先用紫菜包住魚肉，加啲Wasabi同青瓜，非常好味。之後就由赤身開始食，然後係中拖羅，最後食大拖羅，真係非常非常滿足，用入口即溶嚟形容一啲都唔過分。另外叫咗份定食，左口魚裙邊，呢個都非常非常推介，裙邊本身就好肥美，微微燒過，啲魚油滴晒落啲飯度，真係非常香口，而且定食仲包麵豉湯、蒸蛋同沙律，仲可以追加飲品同雪糕😍推介呢款抹茶雪糕都非常好味呀。