小草十八怪石鍋米線 (已結業)

係旺角行街，留意到黃色💛好搶眼的招牌，個名都好特別，叫「小草十八怪」。我哋俾個名吸引左，見到菜式好多元化，選擇種類多，決定入去試試～門口的霓虹燈招牌好奪目，好啱打卡影相📸。店鋪位於樓上，有約50-60個位，多數係小枱為主，靠窗望街境的都係卡位・餐廳以QR code 自助方式落單，上菜速度都好快👍🏽。米線的湯底都好特別有金湯、酸菜魚、沙嗲、火腿瑤柱、肉骨茶同蟹皇湯，配料選擇都有超過40款，想食清啲或者濃味啲都任均選擇。揀6款餸以上的米線就可以變石鍋米線，熱辣辣上枱，揀廚房煮或者自己煮都得😆。🤎肉骨茶 - 封門柳、蟲草花、海藻 $61肉骨茶湯底清徹，淡淡中藥味，唔會好油同無落味精，可以成碗湯飲曬😋。封門柳有牛香，今次揀個健康配搭。海藻份量多，用黎吸湯好好味～💛香辣金湯 - 可樂雞中翼、鯛魚片、海藻 $66香辣金湯，入口有啲似西式南瓜🎃忌廉湯，有微微辣，幾特別配米線都幾夾。鯛魚片質素可以，唔會有好厚粉漿。可樂雞中翼少少甜味，炆得夠淋滑易離骨。