鐘路雞林辣炖雞湯元祖

營業中

休息中

朋友介紹話好好食，叫我記住要book位。好在佢提一提我，原來真係幾爆，見到有人walkin都無位俾佢講返隻雞先，今次叫咗個細size辣雞，三百幾蚊for 2個人，要留意佢話辣先可以跟炒飯。另外因為有朋友唔食蒜蓉，所以店員都另上，食嘅可以自己加。雖然叫辣湯，但味道唔算好辣，食落幾開胃，個大蔥值得一讚！煮完之後無晒草青味，食落好甜。雞就正正常常、但份量十足，對比個價錢，都算值。另外叫咗份泡菜煎餅，唔會好油膩，細細件，係幾好味，不過70蚊略嫌有啲貴。Overall 個用餐體驗都唔錯，職員好nice，上菜前會教你點食，又會俾圍裙你，應該會再幫襯。