The Backstreet Kitchen (已結業)

多數另一位同我出街食飯都會揀唔洗等嘅時間，因為我地都係放平日嘅，所以好容易。尋日17:57就到左間餐廳門口坐，成為第一台客分別揀左兩個招牌菜式：吉列牛同牛肋肉，另一位剩加飯，我做定食好好玩😂有得自己燒。個火都幾猛架，燒到d油係咁彈。如果著靚衫去，最好自備紙巾擋一擋。不過就算擋左d油，你都係會成身油煙味，但這是正常的，燒野食好難個身冇味講返野食。吉列牛真係好好味，牛肋肉就冇調味，燒得好就好食😂，太熟會唔好食。個湯好清，岩我。糖心蛋ok。個飯好食丫。另一位其實係大半個鐘前食左碗雞粥同乳鴿，佢竟然食得哂成碗飯（話說佢男人黎講都幾細食）問佢點解，佢話因爲係珍珠米，再加埋飯素，岩佢口味叫左杯蜂蜜生薑茶，真係有幾塊薑架最後要讚下佢地嘅服務。佢地見到個火細左會主動幫我地加果粒野（火嘅燃料，唔知叫乜），唔洗等我地嗌。又會不停斟水。最西利係，我問另一位有冇攪勻杯生薑茶先飲（原意係提佢搞勻左先飲），侍應哥哥竟然問我地杯野係咪唔夠味，可以再整過杯俾我地。超細心兼好人。