大家樂

營業中

休息中

其實都好耐冇食過大家樂，咁啱見A_ipay有張$120減$50的coupon，咁大家樂一個餐$60左右，兩個人就啱啱好用到張coupon。叫咗招牌菜一哥焗豬扒飯好失望，已經唔係以前食既味道。蕃茄唔多亦無咩蕃茄味，豬扒又細塊又硬，食幾啖就唔想再食。另外叫咗咋咋淋鐵板餐呢個更加失望，個名叫咋咋淋，但鐵板唔熱，淋上去完全唔會咋咋聲。叫咗雞扒同豬扒，都係遍硬無咩味。個薯片串睇落幾靚，但係淋既⋯我最期待個酥皮湯，酥皮就算係OK嘅，但個湯好淡，又唔好飲，飲罐頭湯好過⋯⋯雖然對快餐店都冇咩期望架啦，但真係唔會想再食。