影片
更多
2020-10-06
443 瀏覽
作為大西北牛牛，終於唔洗再騎牛出城去食鼎泰豐啦。之前路過見到好多人排隊，所以依次用新鴻基商場apps拎定飛先，等左半個鐘左右就可以入座啦。店舖比想像中闊落，樓面多待應所以落單上菜都好快，而且都好有禮貌。一坐低就叫左個週末限定嘅小籠湯包，係細細粒嘅小籠包加一碗蛋花湯。前菜叫左原味水晶肉，味道中上，中規中矩。蒜蓉炒菠菜好惹味，菠菜炒得爽口，唔錯！蝦肉煎餃有驚喜！外層煎得香脆，一咬落去d汁爆出黎，而且仲有原隻蝦肉包係入面，值得再食！ 擔擔麵比較失望，感覺似花生醬麵，辣味亦唔係特別明顯。相比之下香蔥拌麵就相當出色，唔會過份油膩之外亦十分惹味，配合較有咬口嘅麵條，掛上蔥油後令每一口都充滿蔥香味。清燉雞湯麵好足料，雞湯內嘅雞肉燉到好軟好軟，連骨都可以食埋嘅程度。清甜嘅雞湯亦唔會飲到啖啖油，連同麵條一齊食岩岩好。去到壓軸嘅小籠包，老實講水準真係同台灣食嘅有差距，但香港都做到皮薄，只係稍嫌湯汁較少（有幾舊甚至無汁），希望之後可以有改善。不過唔洗出城都食到，已經方便到好多屯元天人，雖然性價比唔算高，但有時間不妨去試下！
之前路過見到好多人排隊，所以依次用新鴻基商場apps拎定飛先，等左半個鐘左右就可以入座啦。
店舖比想像中闊落，樓面多待應所以落單上菜都好快，而且都好有禮貌。
一坐低就叫左個週末限定嘅小籠湯包，係細細粒嘅小籠包加一碗蛋花湯。
小籠湯包
$84
23 瀏覽
0 讚好
0 留言
前菜叫左原味水晶肉，味道中上，中規中矩。
原味水晶肉
$64
31 瀏覽
0 讚好
0 留言
蒜蓉炒菠菜好惹味，菠菜炒得爽口，唔錯！
高湯蒜蓉炒通菜
$72
49 瀏覽
0 讚好
0 留言
蝦肉煎餃有驚喜！外層煎得香脆，一咬落去d汁爆出黎，而且仲有原隻蝦肉包係入面，值得再食！
蝦肉煎餃
$88
30 瀏覽
1 讚好
0 留言
擔擔麵比較失望，感覺似花生醬麵，辣味亦唔係特別明顯。
台式擔擔撈麵
$56
45 瀏覽
1 讚好
0 留言
相比之下香蔥拌麵就相當出色，唔會過份油膩之外亦十分惹味，配合較有咬口嘅麵條，掛上蔥油後令每一口都充滿蔥香味。
香蔥拌麵
$56
39 瀏覽
0 讚好
0 留言
清燉雞湯麵好足料，雞湯內嘅雞肉燉到好軟好軟，連骨都可以食埋嘅程度。清甜嘅雞湯亦唔會飲到啖啖油，連同麵條一齊食岩岩好。
去到壓軸嘅小籠包，老實講水準真係同台灣食嘅有差距，但香港都做到皮薄，只係稍嫌湯汁較少（有幾舊甚至無汁），希望之後可以有改善。
小籠包
$66
25 瀏覽
1 讚好
0 留言
不過唔洗出城都食到，已經方便到好多屯元天人，雖然性價比唔算高，但有時間不妨去試下！
張貼
