潮叔 (駱駝漆大廈第三座) (已結業)

主食有幾款牛/豬俾大家揀，例如：肥牛、吊龍、三花趾、豬板筋，仲可以加$5-20升級試吓其他款式。今次先試下吊龍，牛味濃，有嚼勁，食落無渣，配搭沙爹湯底，簡直絕配。菜藍有6款蔬菜🥬（蕃茄，粟米，蓮藕，萵筍，娃娃菜，唐生菜），夠晒豐富。麵底揀咗蟹黃麵，外面比較少有，爽口的麵條，比公仔麵再幼身啲。我最鍾意嘅，就係個五寶盒。牛丸、魚丸、豬肉丸，大大粒，很彈牙。我見涷櫃有售賣不少丸類產品，試岩咗，就可以大量入貨。魚皮餃，厚身爽滑。今日魚皮無貨，轉咗一口腸，甜甜哋，一口一條腸，肉汁鮮美。+5 仲有飲品。埋單$100都唔使就可以打邊爐，咁平、食物質素又高，下次會帶多啲朋友嚟試多啲唔同嘅款式。