心夜來潮 (已結業)

今日夜晚同朋友喺旺角行完街，諗起好耐冇食打冷就決定去食潮州打冷，之前聽媽咪介紹話有間打冷喺旺角好好味而且坐得好舒服於是就去咗食深夜來潮，個晚係星期六七點幾，一去到就坐滿晒人，好彩佢之前有book如果唔係應該會無哂位，所以大家記住要book左先去。我哋order咗三個小炒。一個係蝦醬炒秋葵，本身一啲都唔鍾意食秋葵嘅我都比佢吸引住，秋葵本身應該冇乜味，但配埋蝦醬爆香左即刻變得好惹味，而且唔會好鹹，真係食過返尋味真係帶咗個茄子炒豬頸肉，一直以來都覺得豬頸肉好un，但覺得依度個廚師拿捏得好好，豬頸肉唔un得來仲好爽口，食埋茄子沖淡返，就唔會好似食太多肉最後order咗個心夜小炒王，非常足料:有芋頭乾，韭菜，蝦，白飯魚，真係好好味，個底仲有好多腰豆朋友果然冇介紹錯，嘢食好味之餘，仲坐得好舒服傾計一流