薄餅怪獸

營業中

休息中

去新蒲崗前一日我已經研究食咩好，一大一細其實好難叫嘢食，一人份量唔夠，二人份量又太多，又要👦🏻細細啱食肯食，卒之就鎖定咗pizza Monster。一入到去大半間餐廳坐滿，睇真啲係差唔多20人gathering。我哋叫咗個超級夏威夷Pizza餐跟餐湯，再加半份小食拼盤。揀完Pizza都仲可以自選醬汁，又可以揀唔要邊啲topping，額外加toppings又得，好貼心。Pizza即叫即焗，大概等咗15分鐘就有得食。👦🏻見到心型Pizza忍唔住「嘩」一聲，食落好多餡料好多拉絲芝士，批底好鬆軟，👦🏻勁讚批邊唔硬，好好食👍🏼。跟餐嘅羅宋湯超級足料，小食拼盤半份每樣有兩件，跟少辣甜酸汁，有雞翼、炸洋蔥圈、春卷同咖哩角，炸嘢應該係現成買返嚟，都熱辣辣香脆，雞翼大大隻，而且醃得好入味。睇返佢哋每日都有優惠，星期五六日係做雪糕買一送一，我哋叫咗芒果味同曲奇味，估唔到雪糕球上仲加埋焦糖醬同薄荷葉，$18買一送一真係超值，過吓口癮👍🏼。埋單冇加一，店員哥哥同姐姐都好nice，呢啲小店真係值得支持。