陪著你走甜品 (已結業)

一間主打台式芋圓、仙草嘅甜品店，首次幫襯就試齊兩大台柱，點了3.6牛乳燉疍白仙草芋圓蕃圓，牛乳味非常香濃，芋圓和蕃圓都好煙韌，而且亦各自帶著芋頭和蕃薯的香味，並非一味的Q軟，最大的特色係佢唔甜！可能就住香港人怕甜的口味，但真係好似低糖餐咁唔甜，反而覺得更能發揮到各種食材的原味，如果好似我呢啲唔中意咁甜嘅人就好適合！可惜外賣盒個蓋冚得唔穩陣，送到黎啲芝麻糊（都係唔甜嘅）已經漏哂出個紙袋外面，有待改善。