Na Thai

營業中

休息中

Na Thai餐廳唔用味精都可以煮得好好食✨想餐出道又好快員工亦都好友善仲間唔中會嚟問我哋啲嘢食好唔好食同有冇啲咩改善？環境亦都非常舒適，周圍嘅裝飾都好泰國風情，不過好搞笑，佢播嗰啲好似喺泰式按摩地方地方聽到嘅音樂，成餐飯都好超chill咁😂新鮮椰皇&泰式奶茶椰皇真心鮮甜又多水❤️泰式奶茶就略為淡咗少少精選拼盤(魚餅，蝦餅，春卷，雞卷)魚餅香茅味比較重，同埋佢個口感係食得出係真材實料嘅魚肉整蝦餅都係一樣係食得出係蝦肉自己整，而唔係預先整好咗得彈牙冇蝦味嘅嗰種蝦餅雞卷食落有粉絲同埋有啲蔬菜喺裏面提升咗嗰個口感同平衡返個味道，就算唔鍾意食蔬菜嘅朋友應該都會接受到。春卷就普通蔬菜春卷唔係難食嗰啲，係越式春炸春卷嗰種✨冬陰功冬陰功唔會太辣，好岩食唔到辣，但又鍾意冬陰功味嘅朋友，佢會比較重椰香味香茅味都夠用料亦都足，有好多大蝦，蝦肉夠彈牙❤️蝦醬炒西蘭花食開泰國菜唔想次次都食通菜，可以試吓呢個蝦醬炒西蘭花佢炒出嚟好香，但係唔會好似食平時食通菜咁油👍🏻清新之選泰式大蝦炒金邊粉係好食嘅炒金邊粉❤️一嚟夠乾身又有鑊氣，佢有大蝦豆乾蛋絲芽菜，酸酸地好開胃份量都好足，絕對係泰國嗰種又好食又包你食得飽嘅份量😂