前門飯莊 (已結業)

朋友介紹，因為就她方便，係青衣選擇一間食市，其實青衣城又好似無咩特別野食，聽到呢間餐廳，以為食中菜，所以都想試下，結果去到原來食北京上海菜，誤會晒，因為我遲到，她們都先點了些餸。入到去有D似food court，茶餐廳感覺，環境很嘈。我都先飲酸辣湯，味道可以，材料都夠～還點了回鍋肉，雞絲粉皮，我係唔食回鍋肉的，朋友們說都OK，雞絲粉皮都夠大碟。小籠包好似係我到邊間上海菜都會點嘅食品，呢間比平常的餐廳多左一隻，共五隻，皮亦是厚了一點，但還可以接受的程度。最不推介的黄金蝦，蛋黄太油，不夠香，肉質很怪，唔新鮮，最後都食唔晒。其他餸都未試，但整體黎講得65分左右，不算得上好食