十八座狗仔粉 (已結業)

今晚十點左右行過觀塘，見到週圍食肆都閂左門，見到十八座仲開緊，咁就行入去諗住醫下個肚先啦，先叫左碗狗仔粉，明明我係堂食，點解要用外賣兜裝住？用外賣兜裝份量比用碗小左30%，仲有碗粉攞到買黎係唔熱既，只不過係暖暖哋，咁又係咩玩法呢？老實講句，三十三蚊食碗咁貨不對版既粉，我覺得非常之唔值，尤其係成碗嘢個賣相真係好唔掂囉，質素真係大不如前！！唔會再幫襯佢啦。