影片
更多
2007-06-06
44 瀏覽
有晚同女朋友去食, 叫左一客齊齊餃, 一籠小籠包, 重有一杯豆漿. 首先講一下, 樓面位小姐(樣貌)真係幾得, 態度都可以接受. 不過成間舖頭咁鬼大得一個樓面, 落單, 出菜, 打雜至收錢都係佢, 覺得佢都幾超人... (坐左一個鐘後就當然覺得原來唔係果回事啦~) d菜都出得算快, 小籠包出到黎冇幾耐, 齊齊餃都出到黎. 個樣都好似幾吸引咁, 不過食落就... d齊齊餃好似食極都係差唔多, 話明30隻, 每款3隻架嘛~ 點解好似得3款咁嘅? 感覺係有2款每款3隻加埋1款24隻... 點解咁講呢, 因為有一款比較辣, 唔食得辣嘅一定會噴火, 另一款就有一陣酸味, 唔知係唔係d肉餡有問題... 而第三款就可能比較清淡, 淡到感覺唔到有味. 不過佢地三款都有異曲同工之妙, 就係皮厚肉實... 再講果籠小籠包, 真係俾佢呃左我, 佢新鮮出籠係個籠裡面出哂煙, 當然拿拿聲去夾啦! 常識中, 小籠包裡面係好似女性面部皮膚咁充滿水份嘅, 所以一定要好小心翼翼咁夾佢, 唔好太大力就夾爛左就漏哂d水出黎... 點知, 唔知係我太唔小心定係女性面部皮膚老化, d水份完全蒸發人間空氣中... 唉... 好彩
張貼