影片
更多
2023-10-02
218 瀏覽
第一次嚟呢間嘢食。因為咁啱聯乘鬆弛熊，而且我又中意食拉麵，咁就嚟試吓味道打吓卡。明明係星期日，但去到鋪頭門口見到入面居然冇乜人，都已經聞到一陣伏味，但鬼叫我係鬆弛熊Fans，一場嚟到就入去啦。因為入面得３枱客，唔駛等就入得。入到去兩個好後生嘅侍應喺最入張枱度敲緊蛋，都冇乜點招呼，自己搵個位就坐低。因為我男友嚟之前已經食咗嘢，所以佢剩係叫咗個炸雞拼章魚燒同嘢飲，炸雞同章魚燒味道普通，我男友食咗一兩舊就停咗手，兜嘢上面仲有塊鬆弛熊嘅曲奇，味道都係好普通。而我就叫咗個特製沾麵，揀咗魚介醬油湯。先講個沾麵湯...平時出面食嘅沾麵湯都係好杰，仲會有蔥或者有少少肉...但佢個魚介醬油湯令我以為係食緊拉麵而個湯係另上...純一碗好稀嘅湯連蔥花都冇粒；麵我唔知點先叫好味，但食落去我就係覺得唔好味；叉燒好乾身，少少ｕｎ；嗰半隻所謂嘅溏心蛋唔係好溏心，味道一般；三塊熊頭／雞頭魚蛋都係得個睇字，冇乜味。沾麵嚟講佢係我食過嘅最差，前面我話以為自己食緊拉麵，但佢味道係連味X拉麵都不如...仲要$108一碗...呢個質素我覺得只值$38！兩杯飲品就正正常常。但食完呢餐之後我同男友即時喉嚨唔舒服咗成日。食物零誠意，
因為我男友嚟之前已經食咗嘢，所以佢剩係叫咗個炸雞拼章魚燒同嘢飲，炸雞同章魚燒味道普通，我男友食咗一兩舊就停咗手，兜嘢上面仲有塊鬆弛熊嘅曲奇，味道都係好普通。
而我就叫咗個特製沾麵，揀咗魚介醬油湯。先講個沾麵湯...平時出面食嘅沾麵湯都係好杰，仲會有蔥或者有少少肉...但佢個魚介醬油湯令我以為係食緊拉麵而個湯係另上...純一碗好稀嘅湯連蔥花都冇粒；麵我唔知點先叫好味，但食落去我就係覺得唔好味；叉燒好乾身，少少ｕｎ；嗰半隻所謂嘅溏心蛋唔係好溏心，味道一般；三塊熊頭／雞頭魚蛋都係得個睇字，冇乜味。沾麵嚟講佢係我食過嘅最差，前面我話以為自己食緊拉麵，但佢味道係連味X拉麵都不如...仲要$108一碗...呢個質素我覺得只值$38！
兩杯飲品就正正常常。
但食完呢餐之後我同男友即時喉嚨唔舒服咗成日。食物零誠意，我真心唔明點解會有好評...絕不回頭。
炸雞拼章魚燒
$69
7 瀏覽
0 讚好
0 留言
特製沾麵
$108
4 瀏覽
0 讚好
0 留言
特製士多啤梨梳打 / 特製百香果梳打
$39
2 瀏覽
0 讚好
0 留言
張貼
