王牌冰室 (彌敦道) (已結業)

呢排都係食外賣多，海南雞飯真係好難搵到一間好食嘅，首先雞要入味仲要夠熟但不老，已經有難度，見到啲雞嘅骨仲有鮮紅色嘅血，真係未食都已經飽啦。呢間，雖然啲骨啲血未至於鮮紅色，只係淡淡的粉紅色，不過心理作用，都係覺得佢未完全熟透。而且啲雞好肥，好多肥膏，真係唔可以一大啖咬落去，享受唔到囉。。個飯睇顏色就好夠喎，不過其實佢係冇乜味，唔知佢落咗啲咩粉落去染黃色，一定唔係純雞油囉。完全冇雞油嘅香味。仲有嗰兩個醬啊，個盒都已經唔係大㗎啦，仲要入得三份一，啲醬係咪真係咁貴呀，完全唔夠用！