影片
更多
2021-07-25
216 瀏覽
一行4人咖喱葉食晚飯，幾日前已經透過OpenRice訂座，有訂坐優惠，食滿$500送一支餐酒。準時到達餐廳，餐廳比較細，燈光昏暗，環境幾企理，大約有4-5 張枱。餐廳裏面多數都係外籍嘅侍應，得一個講廣東話嘅香港人，係一個叔叔嚟嘅，可能係老細掛。咁因為佢識廣東話，都係佢幫我哋落單，同埋介紹吓啲食物。餐廳嘅定價我覺得係屬於中上價錢（以地區同規模來講），一啲都唔平嘅，每樣主食都係$100以上。送嘅胡椒餅，味道超鹹，亦唔夠脆，buffet果啲都好食過佢。以一間正宗嘅印度菜來講就唔合格。待應叔叔推介嘅沙律，就係生嘅紅蘿蔔青瓜同埋蕃茄，不過個汁係有少少特別，有啲咖喱味咁。我哋話鍾意食辣，叔叔推介嘅最辣嘅雞，以我來講覺得係微辣，如果食開四川野可以食到小辣嘅都完全冇問題，唔會覺得佢好辣。雪藏雞肉，每人有一粒仔咁大把。其實嗰啲雪藏雞肉$10都有一大件，比多兩粒都唔怕啦。呢度成碟餸夾埋只有早餐嘅三份一件雞扒左右，有幾粒薯仔。呢一個牛油咖喱蝦，真係超級搵笨，啲蝦真係好似大海撈針一樣，係雪藏，透明，好細粒，楊州炒飯果種蝦仁，要嚟炒蛋我都嫌佢細，重點係：都係得五粒仔。但係呢碟野要$140。淨係睇相係咪以為係一碗
準時到達餐廳，餐廳比較細，燈光昏暗，環境幾企理，大約有4-5 張枱。
餐廳裏面多數都係外籍嘅侍應，得一個講廣東話嘅香港人，係一個叔叔嚟嘅，可能係老細掛。
咁因為佢識廣東話，都係佢幫我哋落單，同埋介紹吓啲食物。
餐廳嘅定價我覺得係屬於中上價錢（以地區同規模來講），一啲都唔平嘅，每樣主食都係$100以上。
送嘅胡椒餅，味道超鹹，亦唔夠脆，buffet果啲都好食過佢。以一間正宗嘅印度菜來講就唔合格。
待應叔叔推介嘅沙律，就係生嘅紅蘿蔔青瓜同埋蕃茄，不過個汁係有少少特別，有啲咖喱味咁。
我哋話鍾意食辣，叔叔推介嘅最辣嘅雞，以我來講覺得係微辣，如果食開四川野可以食到小辣嘅都完全冇問題，唔會覺得佢好辣。雪藏雞肉，每人有一粒仔咁大把。其實嗰啲雪藏雞肉$10都有一大件，比多兩粒都唔怕啦。呢度成碟餸夾埋只有早餐嘅三份一件雞扒左右，有幾粒薯仔。
呢一個牛油咖喱蝦，真係超級搵笨，啲蝦真係好似大海撈針一樣，係雪藏，透明，好細粒，楊州炒飯果種蝦仁，要嚟炒蛋我都嫌佢細，重點係：都係得五粒仔。但係呢碟野要$140。淨係睇相係咪以為係一碗湯呢？
Tandoori Chicken 係咁多碟餸入面最多肉的了，名副其實咁樣有四件雞。雞肉亦都做得好嫩滑，全晚最好食我覺得就係呢一個餸。
一個鐵板魚，佢推介嘅時候我以為係一條魚，嚟到原來係有五件大約係麻雀咁大嘅魚塊，幾乾下，麻麻地。不過已經算係第2好嘅餸，起碼食到有肉落肚。其餘兩個咖喱好似淨係食汁咁。
Naan 叫咗兩份，一份係蒜蓉味，一份原味，要來食咖喱汁，因為百幾蚊一碟餸主要得汁，冇理由唔食㗎嘛。
呢度係冇免費嘅水供應， 20幾蚊一支水。送咗一支餐酒，可以自己選紅酒定白酒，超市幾十蚊果啲啦，送嘅冇要求，而且佢真係有酒杯同埋有冰桶，算係咁。
雖然佢嗰啲食物份量真係好少，但係佢味道其實又唔係差嘅，啲咖喱汁係幾好味嘅。如果係鍾意食汁撈飯嗰啲人應該鍾意。因為我自己其實唔鍾意食咁多澱粉質，所以我應該唔會再嚟，如果淨係食餸，我一個人食四碟咖喱都唔會飽。
除咗水，冇另叫嘢飲，因為唔想飲甜野，要留Quota食甜品，一個人$180左右，留肚行去附近大街少館食甜品，可看下一篇食評。
張貼
