串王之王 - 正宗成都串串火鍋 (已結業)

同朋友去試左間新開既餐廳，一入到去就聞到好勁既麻辣火鍋味😆餐廳面積唔算好大，我地被安排坐左係梳化位，自問係一個瘦人都覺得有點迫，好彩我地兩個人食佢俾張四人枱，如果唔係野食都唔夠位放。通道亦比較狹窄，係拎火鍋配料個條巷都要瞻前顧後😣一坐底店員就拎住一籃火鍋醬料，佢地呢度係唔用鼓油架👆🏻而係用蠔油麻油。店員會問你有咩唔落，幫你調好個醬，我就話唔要辣椒，但點知佢將我同朋友既都整錯哂😤然後我請求自己動手🤣🤣雖然這是貼心既服務，但咁少野都記錯就....🙉🙉同埋自己整份量可以控制。湯底有四款，麻辣、菌王、番茄、藥膳。有得揀鴛鴦鍋，我地就揀左麻辣(小辣)同藥膳，朋友覺得麻辣唔錯，唔算好辣但好香。藥膳湯底落左好多料，感覺非常補👍🏻👍🏻點餐紙有啲特選配料，我地點左個安格斯牛，還好😆脂肪比例比較多。仲有好多火鍋配料可以係凍櫃度揀，一串串既就逐支簽計，有啲款係兩支簽，而用杯碟裝嗰啲就以顏色去計。有好幾款肉類都有灑左辣粉，因為我唔食辣，加上個日病病地冇咩胃口，所以覺得冇咁吸引🤭質素ok，性價比唔太高，除非你成餐淨食串串，你一加海鮮、牛肉啲貴野就預左埋單會貴💸，所以都睇你點食。我就覺得未有太大驚喜，其實都係貪新