悅來酒店咖啡室 (已結業)

上次去過另一間荃灣酒店食lunch buffet, 想話試下悦來酒店,聽人講款式多又好食,點知係失望!!價錢都幾貴, 午餐要成196/位, 仲要只包熱奶茶同咖啡,全部凍飲/果汁,一律加每杯10.環境好暗,大堂仲光猛,但位置就一般,對住電梯,雖然中間有隔開,但其實望就會見到入面,感覺俾人望住晒食咩咁,食品款式雖然算多,但係唔好食,刺身4款,壽司2-3款,沙律同冷盤每樣都有6款擇,都叫不俗.還可以.熱食有成十幾款,但唔係好多擇得落手,有羊扖,可惜太生根本都切唔開,食唔到.點心仲得意,每籠得2粒,仲要係細細粒,又厚粉,個燒賣仲衰過街邊既魚肉燒賣.以為啲甜品咁多款,應該唔會太差, 食落係冇樣得,蛋糕款得朱古力味及藍莓芝士糕叫一般外,其他都唔得,唔係啲味道好怪就係好似食面粉咁,而糖水最好食係芒果西米露,點知啲芒果好碎,要自己自製西米露先食得.服務一般,個同事未食,只係行開咗一陣,問都冇問就收走咗啲食物.講到衛生,好難講,倒垃圾既地方就在刺身bar枱隔離,只係隔位一塊板,但又唔係好污穢, 而且其他地方都幾好