影片
更多
2008-02-22
25 瀏覽
朋友負責搞燒烤，揀咗哩個任食燒烤場，好一般！講價錢依度唔算抵，我哋星期六哩燒，收$118一位，不限時，食物任燒，包一樽水同一罐汽水（當日只有可樂，不過唔啱嘅話可以換支水）。講食物依度唔算正，都係大路嘅雞、牛、豬扒、乜腸物腸、乜丸物丸……都預咗，但最斃係好多嘢食都係未溶雪就拎出哩，一大「餅」牛扒分番開都麻麻煩煩！此外，味道除咗好普通之外，都唔入味，差過凍肉鋪醃果D。唯一講多句係佢哋提供一D熟食，好似茶葉蛋、炒粉飯麵、炸薯條……等等，趁開爐未燒得前有嘢食頂頂肚，但係質素免問啦！講方便依度唔算好，除非你係將軍澳或東九龍人，否則都兜兜轉轉。而且，有其他嘢想買就行廿分鐘左右出番西貢市中心至得！講地方依度又唔算差，地方幾大，幾開揚，又對住個海，但係為咗做生意，枱與枱排得好逼，D位大部分背貼背，出入唔多方便！本來有個大海景，秋風送爽都幾正，但遇正寒冬就唔係咁盞，因為佢哋D膠透明帆布遮D唔遮D，遮得上截，下面又無遮無擋，寒風陣陣，唔係咁好受！所以，大風同天氣凍都唔好揀近海灘位。特別一提，依度唔係一人一支燒烤叉咁燒，係將食物擺係個網上燒，所以除咗兩三個人負責燒，其他人就少咗燒烤樂趣。但最唔掂係佢個爐內籠
講價錢依度唔算抵，我哋星期六哩燒，收$118一位，不限時，食物任燒，包一樽水同一罐汽水（當日只有可樂，不過唔啱嘅話可以換支水）。
講食物依度唔算正，都係大路嘅雞、牛、豬扒、乜腸物腸、乜丸物丸……都預咗，但最斃係好多嘢食都係未溶雪就拎出哩，一大「餅」牛扒分番開都麻麻煩煩！此外，味道除咗好普通之外，都唔入味，差過凍肉鋪醃果D。唯一講多句係佢哋提供一D熟食，好似茶葉蛋、炒粉飯麵、炸薯條……等等，趁開爐未燒得前有嘢食頂頂肚，但係質素免問啦！
講方便依度唔算好，除非你係將軍澳或東九龍人，否則都兜兜轉轉。而且，有其他嘢想買就行廿分鐘左右出番西貢市中心至得！
講地方依度又唔算差，地方幾大，幾開揚，又對住個海，但係為咗做生意，枱與枱排得好逼，D位大部分背貼背，出入唔多方便！本來有個大海景，秋風送爽都幾正，但遇正寒冬就唔係咁盞，因為佢哋D膠透明帆布遮D唔遮D，遮得上截，下面又無遮無擋，寒風陣陣，唔係咁好受！所以，大風同天氣凍都唔好揀近海灘位。
特別一提，依度唔係一人一支燒烤叉咁燒，係將食物擺係個網上燒，所以除咗兩三個人負責燒，其他人就少咗燒烤樂趣。但最唔掂係佢個爐內籠唔深，個網幾貼D炭，而且個網我相信係唔好清洗，所以燒起上哩，D嘢食好易濃，中心又未熟，仲黐埋好多炭屎，因此，你會見好多人索性自己走去買燒烤叉哩燒，費時煩！反而，佢哋就將D碟呀，刀叉呀，放晒晌D消毒櫃，依度就抵讚，夠衛生。
張貼
