泉記 (已結業)

碧咸開出的烏龍波為英格蘭先開紀錄，好的開始是成功的一半能否如願？管他的，睇完波，大夥兒醫肚去。唔知點解會落到泉記，反正未試過，也主沒有異議的理由，一行六人分別叫了蝦尾麵、炸魚皮、淨雲吞、魚蛋河／麵、牛腩麵。幾款麵陸續的上場，賣相唔掂，潮式湯底，連雲吞麵都是一樣，失望，雲吞大大粒，蝦、豬肉各佔一半，味道唔見出色，幸好不至散修修不，點都好過永華近期的表現。見識少，唔知咩係蝦尾，就點了蝦尾麵，等了又等，好耐都未出，又追單，阿姐好似發緊夢咁，話蝦尾賣晒，真的火滾，辣塊媽媽的賣晒又唔早響，是有錢唔想讚乎？只好追加四寶河，炸雲吞、牛丸、紫菜、魚皮餃、魚蛋，牛丸是交來貨，羶味十足，只吃了半口，魚蛋、魚片內付Msg，幾惡頂，惟一可取是河粉，雖然無麵粉味，但都叫做滑，易入口，可惜湯加了大量Msg，吃了兩啖，放棄，食友問好難食？難食算不上，是頂唔順Msg而已。