樂意扒房 (已結業)

老牌扒房，裝潢配置較舊，全場用紅白格仔枱布。前菜試了Rock Oyster及煙三文魚沙律。Rock Oyster都新鮮嘅，有輕微海水味，唔算好腥，適合我的口味。煙三文魚沙律嘅三文魚略鹹，整體質素普通。餐包是法包，暖暖的，尤其是薄薄的麵包，口感鬆脆，幾好食。主菜試了牛柳併鵝肝及肉眼扒。火喉控制過熟了一點，肉質雖唔韌，但亦唔算腍，牛肉味亦唔算太突出，只屬普普通通。鵝肝同樣令人失望，份量少，做唔到外脆內軟，味道亦唔夠香。伴碟配菜有焗薯及雜菜，賣相普通，味道一般。甜品試了Tiramisu，有淡淡酒香，OK喎！整體而言，以$400-$500一個人的價錢，此店的食物質素唔算value-of-money。服務方面，亦唔算殷切。尤其是在點菜的時候，有少許嗺迫之感，意見亦多，感覺麻麻。