鉄板200 (已結業)

星期日晚八點半後在沙田市中心穩食，朋友話之前黎過唔錯，所以就入去試下啦。因為夜左啲，所以大把位唔使等直入。環境就一般般，侍應亦唔算醒目，唔係太主動，不過叫到佢地都反應幾快。至於食物嘛，今晚叫左四個餸其實都算ＯＫ。三文魚籽玉子燒：雞蛋裡面包住三文魚子，口味幾特別，不過份量太細左啲。鹽燒鯖魚：好味，皮燒得卜卜脆。溫泉蛋炒飯：炒得算幾乾身，唔會太咸，撈埋隻蛋之後啲珍珠米更綿，而且份量頗大，幾抵食。鵝（定鴨？）肝多士：好大塊鴨定鵝肝（唔記得左），連多士食好creamy，加埋沙律醬會減少油膩感。整體雖然唔算好突出，但都唔差。可以一試。