漁釧 (將軍澳中心) (已結業)

一開始以為去錯，見到大大隻字寫住華味鳥，以為係店鋪名。之後先見到漁釧，問返原來華味鳥係日本品種既雞！三色刺身，就咁睇都知係靚料。簡單講就係夠新鮮夠肥美，估唔到係商場既店都有呢d質素！華味雞粟米沙律粟米係新鮮粟米度直接切落嚟。所以爽口多汁，亦都有新鮮粟米嘅甜味。另外雞肉都好嫩滑，本身睇落去都驚驚哋會好鞋。沙律菜夠新鮮，整體都幾好！芝麻雞翼 本身個炸粉好薄，所以唔會食到成口粉，亦都唔會吸咁多油，但係同時可以保持雞肉本身嘅肉汁。另外表面有大量嘅白芝麻，食落好香！天婦羅天婦羅有蝦同埋其他蔬菜，嗰粉做得幾好，唔會太厚，夠熱夠脆。但係唔會overcook,保持到食物本身嘅質地。今日餐廳點酒類飲品有優惠，所以就算平時出咗去唔會專登叫，今日試下。呢度推介嘅係日本牌子嘅黑啤，好香麥味，比一般既更香，係一個唔錯嘅選擇。華味雞煲，黎嘅時候材料係生既，現場開明火煮熟。侍應建議我哋食呢個煲之前要飲啖湯先，因為本身個湯夠濃，係一個好食法！華味雞亦好嫩滑，食下食下，兩個人都ko左個煲柚子雪葩 佢唔似一般嘅雪葩，其他地方有啲係會直接用調味劑整個味。而呢度係直接加柚皮係入面，另外外層再加一層柚子醬，雙重滋味。