越男仔 (已搬遷) 新店位置

網上好多人讚佢好食，但我就覺得好一般。生牛肉河，個湯話係牛骨湯但係牛味極淡，湯又唔夠熱，芽菜係已經擺埋落個湯裏邊唔係另外上，河粉都滑，牛肉好味。窩蛋火車頭河粉，牛柏葉非常細粒，味道普通，牛筋可以，牛肉都好味。牛油雞翼食唔到牛油味，而且雞翼係雪藏左好耐嘅，同埋好細隻，唔抵食。芝士蝦多士，夠脆，芝士味唔夠濃，有蝦味但唔夠鮮。覺得最唔好味係係個冰鎮蜜糖蕃茄，蜜糖味完全蓋過蕃茄味，非常普通。