影片
更多
2018-03-10
525 瀏覽
第一次黎依間火鍋放題食肆幫朋友慶生，見佢話哂都係酒店入面，食物質素同服務應該會有番一定水準，晚市正價都照訂定枱諗住食餐好少少啦，點知同一般樓上日式火鍋放題無分別！味道方面：一般質素，任食火鍋黎講肥牛係一般至唔錯既水平。海鮮方面都可以，都乾淨既。甜品雪糕果啲就真係唔會係出名既雪糕牌子，細食既朋友唔駛諗住食幾杯雪糕當回本啦～服務方面：一般任食放題既服務態度，係香港食任食火鍋都唔駛諗繁忙時間會有乜服務俾到你，唔漏單已經要偷笑。不過佢話就話５個鐘任食，但個湯底要成半個鐘先上到，加埋之後等上火鍋料既時間，實質一定食唔到５個鐘既。同埋我地十幾人分兩個鍋，全晚一個鍋只係上過一碟牛，再加單都係完全無上過肉類，而海鮮係用人頭計咁俾。老實講，係假任食！另外，我唔知係依間食公司無提供啲training 俾員工定係依間公司既policy本身有啲問題啦。訂枱果陣問有無生日優惠之類（因為連一般樓上放題都會有，就算無折，都可能會話送碟乜乜海鮮或者會有少少特式小食送），不過依間係無，不過都算，正如一開始咁講，我地都係想食得舒服啲，唔想有乜野影響咗壽星既心情。結果係一路等食既時候一路睇番facebook,openric
味道方面：
一般質素，任食火鍋黎講肥牛係一般至唔錯既水平。海鮮方面都可以，都乾淨既。甜品雪糕果啲就真係唔會係出名既雪糕牌子，細食既朋友唔駛諗住食幾杯雪糕當回本啦～
服務方面：
一般任食放題既服務態度，係香港食任食火鍋都唔駛諗繁忙時間會有乜服務俾到你，唔漏單已經要偷笑。不過佢話就話５個鐘任食，但個湯底要成半個鐘先上到，加埋之後等上火鍋料既時間，實質一定食唔到５個鐘既。同埋我地十幾人分兩個鍋，全晚一個鍋只係上過一碟牛，再加單都係完全無上過肉類，而海鮮係用人頭計咁俾。老實講，係假任食！
一碟牛既份量
20 瀏覽
0 讚好
0 留言
刺身
20 瀏覽
0 讚好
0 留言
另外，我唔知係依間食公司無提供啲training 俾員工定係依間公司既policy本身有啲問題啦。訂枱果陣問有無生日優惠之類（因為連一般樓上放題都會有，就算無折，都可能會話送碟乜乜海鮮或者會有少少特式小食送），不過依間係無，不過都算，正如一開始咁講，我地都係想食得舒服啲，唔想有乜野影響咗壽星既心情。
結果係一路等食既時候一路睇番facebook,
openrice有啲乜野必食推介既時候先見到有生日８折優惠，我地即時已經問番店員點解我地訂枱既時候問有無優惠啲，店員話無？仲要再打黎confirm booking果陣，問埋生日會唔會收切餅費都唔會提下客人有依個優惠？到個客人知道咗依間公司咁唔老實既時候，仲要搬公司policy出黎話不可以主動同客人講有生日優惠！！其實我打黎問，店員答有定無已經好被動，依間餐廳係facebook開post set public咁話有生日８折之後就唔可以再同訂枱客人提係乜玩法？？
最好笑係，到個店員拎個蛋糕出黎果陣先當住我地全枱人面前講張單係未收切餅費。大佬，你私底下講番都好丫，你一路放個蛋糕上枱一路講話我地無俾切餅費，有無尊重過客人？我問得你地有無切餅費，就預咗俾依筆錢，點知你地整錯張單，又咁識揀時間追番依５５蚊，真係好funny，都未試過係任何一間餐廳有啲咁好既體驗
依間咁唔老實既餐廳，有啲乜慶祝或者特別日子大家都真係唔好去依間野，唔好貼錢買難受喇！同埋睇清楚佢啲優惠個terms，希望唔會有其他人好似我咁中哂大伏啊！
題外話/補充資料：
唔老實既餐廳，睇清楚佢啲優惠個terms先好訂位，免招損失！
(以上食評乃用戶個人意見 , 並不代表OpenRice之觀點。)
張貼
