天麩羅杏

營業中

休息中

好耐冇寫食評，呢間真係有需要寫下新鋪開張去試下食物質素正常，但有幾個地方仲係怪怪餐廳環境設計 中間係U 字型，但太過開揚。望住中間個吧枱雪櫃 都唔知想點。我寧願你好似一蘭咁整個partition。嗰個食嘢你眼望我眼。食物方面，我叫咗最貴嘅天婦羅set, 本身有象拔蚌仔，但電話落單時寫售罄，原來轉左另一樣嘢，坐低嗰陣冇人講聲既，到我問先講。正常都應該講聲啦。員工方面，講真新鋪開張，你做戲都俾啲笑容丫。個經理木口木面咁，執到錢都唔識笑。埋單問下佢有冇得訂枱， 「冇」，完左。 哦！氣氛都係用餐的一部分。唔講以為你俾人威脅去開工。佢前面上餐嘅空間好細，有個阿姐上烏冬嗰陣，單手攞住手震震咁，我幫佢攞碗烏冬，佢同我講叫我縮開手俾佢擺低。我都廢時出聲串佢。我就未必再比機會佢。