影片
更多
2020-10-19
119 瀏覽
早排行過銅鑼灣知道咗呢一間新開嘅越南餐廳SO TAM，就同朋友去咗幫襯下！食完又覺得佢幾物超所值，鍾意去食越南野嘅唔好錯過。前菜我哋叫咗兩款，分別係蒜香牛油雞翼（$68），同埋越式扎肉米紙卷（$78）。蒜香牛油雞翼$68有四隻，每一隻都充滿牛油香味，廚師整呢一隻雞翼處理得好好，配埋新鮮青檸汁一齊食就算有好多牛油味都唔會好流👍而家越式扎肉米紙卷就好清爽，作為前菜一流！米紙卷入邊有米粉，大蝦，生菜，青瓜等等唔同嘅蔬菜。配埋嗰汁一齊食好開胃！至於主菜方面呢度都同樣出色，首先要推介嘅係蒜蓉燒大頭蝦（$188），大頭蝦燒完啲蝦膏特別好食，而且啲肉燒完之後冇縮水或者梅晒。但係個價錢有少少貴，但係新鮮嘅大頭蝦咁好食就俾貴少少都得啦😛燒牛柳串（$48），食完個大頭蝦就到燒牛柳啦，呢個燒牛柳就真係幾抵啦。$48有兩串燒牛！個牛燒得啱啱好，仲保持到燒牛應有嘅嫩度同埋肉汁。再加上秘製嘅燒汁酸酸地好快就俾我哋K.O.晒兩串啦。春卷雞肉串撈檬（$88），呢個撈檬份量十足，分別有春卷兩條同埋雞肉串兩條再加上好多撈檬。我特別鍾意食佢嘅春卷，貪個春卷夠晒香口配埋啲撈檬一齊食唔會話太過油膩，而個雞肉串有啲沙嗲味獨立食又
前菜我哋叫咗兩款，分別係蒜香牛油雞翼（$68），同埋越式扎肉米紙卷（$78）。蒜香牛油雞翼$68有四隻，每一隻都充滿牛油香味，廚師整呢一隻雞翼處理得好好，配埋新鮮青檸汁一齊食就算有好多牛油味都唔會好流👍
而家越式扎肉米紙卷就好清爽，作為前菜一流！米紙卷入邊有米粉，大蝦，生菜，青瓜等等唔同嘅蔬菜。配埋嗰汁一齊食好開胃！
至於主菜方面呢度都同樣出色，首先要推介嘅係蒜蓉燒大頭蝦（$188），大頭蝦燒完啲蝦膏特別好食，而且啲肉燒完之後冇縮水或者梅晒。但係個價錢有少少貴，但係新鮮嘅大頭蝦咁好食就俾貴少少都得啦😛
燒牛柳串（$48），食完個大頭蝦就到燒牛柳啦，呢個燒牛柳就真係幾抵啦。$48有兩串燒牛！個牛燒得啱啱好，仲保持到燒牛應有嘅嫩度同埋肉汁。再加上秘製嘅燒汁酸酸地好快就俾我哋K.O.晒兩串啦。
春卷雞肉串撈檬（$88），呢個撈檬份量十足，分別有春卷兩條同埋雞肉串兩條再加上好多撈檬。我特別鍾意食佢嘅春卷，貪個春卷夠晒香口配埋啲撈檬一齊食唔會話太過油膩，而個雞肉串有啲沙嗲味獨立食又得，一齊同個撈檬食都好唔錯👍
食咗咁多野其實都幾飽，但係朋友堅持話要食呢度嘅甜品！好彩我有聽佢話因為呢度有甜品係好出色，簡直係成晚嘅越式料理上完美嘅句號！ 今日我哋叫咗兩款唔同嘅甜品，分別係拉椰糕（$38）同埋咖啡雪山（$48）
拉椰糕得好精美，問返經理話原來係廚師親自一層一層咁樣整出嚟。就係呢份心思都值得加分！呢個甜品唔會好死甜，真係食得出椰汁嗰種奶香味同埋清爽👍
至於另一款甜品咖啡雪山更加好食，咖啡雪山喺越式餐廳都幾普遍嘅甜品。但係呢個特別就特別在餐廳自製左呢啲焦糖脆米通，就係呢個焦糖脆米通令到呢一個甜品咁特別。而且咖啡重裝左落個試管度影相都幾靚。鍾意咖啡味濃啲可以落多啲，淡啲嘅可以落少啲。呢個甜品會令到我再次encore呢一間餐廳呀。😌😌
張貼
