Pokka Cafe (青衣城1) (已結業)

好耐無去Pokka cafe. 想食下甜品，所以㨂左呢間。以前青衣呢間多d 西餐，依家一半都係日式菜。不過咁大眾化既菜式都唔會有人投訴既。一點半到，叫左兩個午餐。然後就諗住加個甜品完結。午餐可以㨂餐湯或沙律，今次餐湯係忌廉蜆湯！有小量紅蘿白，味道不錯👍🏼帶子意粉，以一百三十幾蚊，得兩隻帶子，本人認為小左d. 而且食完無乜飽肚感。豬肋骨既薯條不錯，配菜偏小，而且以最近大家都係覺得食豬唔太安安既情况下，豬肋骨竟然仲有血紅色響骨位！即刻要佢再整過啦！但我諗佢都係同我地切開左既豬肋骨兩邊煎返就算。食完午餐想要甜品，一早睇過食評就已經一心諗住食窩夫！於是叫左呢個。味道不錯，份量以$72黎講算不錯餐飲方面係失望既！想要熱朱古力，佢話要加$34。望返餐牌，熱朱古力原價都係$48，餐牌入面最平既汽水都要$28。就算計差價都係$20 啫！所以無要到佢，變左叫左杯勁難飲既熱奶茶。其實如果想客人滿意d, 我地叫甜品既時候都已經下午茶時間，佢地有藍莓窩夫，$52有埋野飲，窩夫份量係兩塊唔係三塊，但餐飲就有熱朱古力。點解佢地唔識同客人介紹呢？如果佢地做到呢樣，客人應該會再叫多d 野，同埋有興趣回頭囉！