金門荷香籠仔飯專門店

營業中

休息中

用咗openrice 咁多年，第一次寫食評就係要鬧爆人話說下午路過見佢有蒸魚飯，晚飯就去叫咗份外賣龍躉蒸飯，兩個點心，一個“燉”湯返屋企食。返到屋企一打開盒飯，全部都係骨同皮，挑哂全部都唔夠一兩魚肉比阿仔做晚餐。龍躉皮都唔係話唔食得，但係佢連最基本嘅刨鱗都唔刨，每一口都攪到成口鱗，點食呀？我唔係叫蒸魚骨飯喎！連埋個盒仲要收人成舊水兩個點心，一般的貴，冇嘢好講個所謂的“燉”湯，同普通茶記例湯冇分別，但係收你4草，啱唔啱飲就見仁見智如果你見到我本人，以上每一句都必定加入廣東話的精髓。成餐飯兩舊幾水買個經驗，“冇下次”