曼谷泰菜 (珠璣大廈) (已結業)

本身唔太食得辣，所以好少去食泰國菜。但同事叫到，都好啦！最多揀唔辣既野食囉。這裡的裝修都唔錯，還以為價錢會幾貴，原來又唔係喎。晏晝，照舊都係要set lunch。set lunch選擇幾多，就連唔辣既也有不少選擇。我要了酸甜牛肉飯而同事則要炒金邊粉，我也有試了些少同事的粉。先評同事的金邊粉，濕濕地唔怕太乾身，加上有蕃茄，些少酸酸圩，幾開胃，金邊粉本身亦幾爽口。再談酸甜牛肉飯，賣相吸引，有青椒紅椒蕃茄洋蔥等，色彩賓紛。牛肉幾淋，不過味道偏淡。Set Lunch還有黑糯米做甜品，味道可以，但就犯了甜品大忌，唔熱唔凍，麻麻！青檸梳打就幾清新，如果主菜濃一點去配合這梳打會更棒!