樂林小鍋米線 (已結業)

落雨想食米線，但外賣平台最近好似少了供應。唯有到公司附近既樂林試下。第一次來，冇乜經驗，外賣冇外賣紙，櫃檯冇人。有個阿姊煮嘢，有個阿姊包裝外賣。我地係門口企左好耐，冇人招呼，走上前講野，冇反應。唔知係聽唔到嘢定係唔識講野，總之就係眼睛都無望你一下個D。我同事仲問係咪我地穿越左，周圍既人見唔到我地？？？本身都有其他人想外賣，見到咁嘅情況走左。阿姊終於行出來收銀處，我地快步上前，阿姊都係冇望過我地，但好彩肯講下嘢，但你問佢既嘢佢就好似聽唔到唔答。雖然我而家仲等緊外賣，但無論味道如何，應該都唔會再幫襯了。