金滿庭京川滬菜館 (時代廣場) (已結業)

啱啱係度食完晚餐，好似冇食過咁，一啲都唔過癮，啲價錢貴都算喇，最大個問題係唔好食。食個羊肉，一啲羊肉味都冇，連肉味都冇吖，你叫我點食？輪到個北京烤鴨，食兩塊之後就唔想食，油，好鬼油，啲皮又唔夠脆皮，又唔夠味。之後係東坡肉，唔入味。全部啲嘢食個賣相都唔係好好。最好食就係個四季豆。最後我想講，鑊氣喺呢度已經唔存在啦！！！以後都唔會再食呢度。成晚食完都唔覺得似食左野，淨係知道成肚都係油。早知去食個M記好過，食老麥仲過癮。