元朗燒賣皇后妙舒 (已結業)

以前去親又新街做咩都好，一經過都心郁郁想買串黎食，都好幾年前啦，自從畢左業就冇咩係元朗行啦！等了又等，住元朗咁多年都冇food court。當知道元朗終於都有，幾期待架！心知food court d質素通常好公式化，例如八方雲集，總係同街舖質素差一點，所以我只係期待有好多間餐廳任我揀嘅感覺！所以，我真係揀左三間同老公share做我晚餐，其中一間係燒賣。老公讚好食，我相信佢因為未食過又新街的質素。咁同好多相比都好食嘅，有種獨特嘅香味，配埋豉油辣油，再變成一種獨特嘅香味，可能時間問題，覺得係退步了，有少少公式化嘅感覺，以前食落口好有人手做活生生嘅感覺。然而，佢都係好食嘅，呢個food court唔多野揀，但有機會我會再黎！