小農夫燒烤食屋 (已結業)

剛巧去荃灣工作，經過見到之前賣拉麵既小農夫👨‍🌾，變左任食燒烤，咁當然要試下，價錢方面都好合理，一入去就有位，服務員都好清楚咁講一次價錢比我地聽，之後就出去攞野食，咁其實食物種類唔算太多，但勝在不停加，所以唔會有無既時候，之於飲品方面，反而就無咁多選擇，但勝在有些自製涼茶及清酒任飲，都比較特別，好快我地就攞左好多野食，開始燒咁其實每次都可以插十幾款食物，所以其實一個小時都可以食到好多嘢，椅子旁邊會有將燒幾多分鐘嘅說明書俾我哋參考，又有個計時器係旁邊，所以設備都幾齊全，唯獨是座位有點兒窄，不過同老闆講過，老闆都話現在係試業，如果變受歡迎嘅話就會裝修過，總結來講：食物質素高，非常適合懶人，都會再來