PHO 24 (已結業)

果日放假同老公去咗尖沙咀iSquare, shopping 順便睇下有咩野食啦, 行到3/F, 見到有間話嚮越南幾出名嘅PHO 24, 於是就同老公入去試下, 坐低睇下個menu, 又唔係好貴 wor, 價錢都經濟, 於是就叫咗2碗招牌牛肉雜錦湯粉, $58 蚊, 有齊生牛肉, 熟牛展,牛肚,牛筋,牛丸, 大大碗, 湯底濃郁而不鹹,味道唔錯, 跟住叫左客蒜蓉包,都幾香口,不過只得4件,如果有6件就仲好tim, 甜品就叫左椰汁芋頭糯米泥, d芋頭蓉好好味,椰汁又唔係太甜,味道適中, 最後我仲叫左杯凍越式清保涼,中式嘅嚮屋企就飲得多, 仲要係凍都係第一次, 杯野有齊清補涼嘅野, 仲有龍眼同蓮子,味道冰凍清甜,如果嚮夏天飲就更加一流,無得頂, 我極力推介,埋單加一都係$200蚊, 每人$100,飲茶都咁上下啦, 整體黎講PHO 24 值得一試!!