青森料理 (已搬遷) 新店位置

見到専題介紹，好想試下個軟殼蟹粥。上個月終於有機會一試。夜晚九點，九成座滿，唔駛等位就有得入。在屯門的日本料理之中，座位算是幾闊落。而且樓底比較高，感覺唔錯。先黎左個三文魚壽司，賣相幾靚，但三文魚不算好新鮮，不過以呢個價錢，算是十分抵食。跟住到軟殼蟹粥，軟殼蟹好香好脆，配埋大量蟹籽的粥底，好味呀!最後追加一份火龍卷，嘩，原來咁大份(對於兩個人黎講)。面頭勁勁多蟹籽，裏面的炸蝦即叫即炸，好香口，可惜d飯比較濕，扣左少少分。侍應好有禮貌，又落力，不時加水同收碟。呢度唔收加一，兩位食到飽飽，都唔駛一百蚊，好抵。遲d一定再幫襯!小店加油!